Aerosmith хамтлагын бөмбөрчин Joey Kramer өөрийн "Hit Hard: A Story of Hitting Rock Bottom at the Top" буюу "Рок замналаар доороос дээшлэх нь ” номондоо муу зуршил, согтууруулах ундаанд донтох донтолт, сэтгэлийн түгшүүр, зогсонги байдал гээд л эдгээр зүйлүүдтэй хэрхэн өдөр тутмынхаа амьдралд зэрэгцэн амьдрах тухай өөрийнхөө амьдралын туршлага дээрээ тулгуурлан бичжээ. Мөн тэрээр хэлэхдээ түүний номонд өөрийнхөө аав болон Aerosmith хамтлагын дуучин Steven Tyler нартай харьцах харьцаанд гарч байсан хүндрэл асуудал болон сайн сайхан талыг дурьдсан гэж хэлжээ.
Joey Kramer, Aerosmith хамтлагийн бөмбөрчин::
"Энэ бол миний амьдралын бүх цаг хугацааг хамарсан аялал байх болно. Муу зуршил, согтууруулах ундаанд донтох донтолт, сэтгэлийн түгшүүр, зогсонги байдал гээд л эдгээр зүйлүүдтэй хэрхэн өдөр тутмынхаа амьдралд зэрэгцэн амьдрах тухай би хүмүүсийг мэдээсэй гэж хүсч байна.”
Бөмбөрчин Kramer уг номоо нилээд хэдэн жилийн турш бичсэн бөгөөд тэрээр байдаг л нэг ном бичихийг хүсээгүй гэж ярьжээ.
Joey Kramer, Aerosmith хамтлагийн бөмбөрчин::"Би хүн болгоны л бичдэг нэг тийм төрлийн ном бичихийг хүсээгүй. Тийм ном бол гадуур дүүрэн л байна. Миний хувьд би галзуу гэмээр хэв маягтай амьдралыг амьдарч өнгөрөөсөн. Тэр бүх самууралаас гарч эрүүл байхыг, өөрийгөө аварч үлдэхийг хүссэн. Яг л тэр бүх зүйлээ би энэ номондоо бичсэн. 
Joey Kramer, Aerosmith хамтлагийн бөмбөрчин::"Хүн болгонд л надад сайхан хандаж надад туслаж байсан. Гэр бүлийнхэн найзууд хамтлагийнхан маань намайг ном бичсэнд үнэхээр их баярлаж бахархаж байгаа. Харин миний зүгээс хэлэх зүйл бол миний ном та нарт амьдралын жинхэнэ үнэнийг хэлэх болно гэж хэлмээр байна.  ”
Харин тэрээр хорвоог орхисон энтертайнмент ертөнцийн амьд домог Майкл Жэйксоны тухай сэтгүүлчид ярихдаа:
Joey Kramer, Aerosmith хамтлагийн бөмбөрчин::"Юу гээч, би Майкл Жэйксоны үнэнч шүтэн бишрэгч нь. Би бүр анх бөмбөрийн бэлтгэлээ Майклын дуунууд дээр хийдэг байлаа. Майкл бол дахин давтагдашгүй авъяаслаг уран бүттээлч байсан. Тэр залуу дуулж бүжиглэж, хэн ч түүнтэй адил харагдаж, сонсогдож, мэдрэгдэж чадахгүй. Майклын Quincy Jones- той хамтарч гаргасан цомог нь поп хөгжмийн ертөнцийг жинхэнэ утгаар нь өөрчилж чадсан. Майкл бол цорын ганц давтагдашгүй дуучин байлаа.”
Aerosmith хамтлагынхан энэ оны 9-р сарын дунд үе хүртэл үргэлжлэх аялан тоглолтондоо ZZ Top-ын хамт гарсан бөгөөд 1975 онд гаргаж байсан "Toys in the Attic" буюу "Дээврийн хөндий дэх тоглоомууд” цомгийнхоо дууг тоглолтон дээрээ дуулж байгаа юм байна. Хамтлагийнхан аялан тоглолтоо дууссаныхаа дараа өөрсдийн шинэ уран бүтээлдээ шургуу орох болно гэж мэдэгджээ.