System of a Down хэмээх хамтлаг нь 1995 онд Өмнөд Калифорниад байгуулагдсан ба Daron Malakian(гитар), Shavo Odadjian(басс), Serj Tankian(дуучин), John Dolmayan(бөмбөр) гэсэн 4 н гишүүний бүрэлдхүүнтэй юм. Уг хамтлаг нь Heavy Metal, Alternative Metal, Hard Rock зэрэг урсгалуудаар тоглодог бөгөөд underground metal хамтлаг ажээ. Хамтлаг одоог хүртэл нийт 5 н студын цомог гаргаад байгаа юм. Тэд анхныхаа демо дуунуудаар л фенүүдээ татаж чадсан ба Korn, Deftones, Tool, Limp Bizkit нарын адил nu-metal, alternative Metal ыг тодорхойлогчдын нэг болж чадсан билээ. Хамтлагийн анхны цомог 1998 онд System of a Down буюу хамтлагийнхаа нэрээр нэрлэгдэн гарсан байна. Уг цомгоороо тэд Америкад төдийгүй дэлхийд танигдаж чадсан ажээ. Харин дараагийн цомгоо 2001 онд Toxicity нэртэйгээр худалдаанд гаргасан нь маш их амжилтыг тэдэнд авчиржээ. Мөн уг цомог хөгжим шүүмжлэгчидийн зүгээс нилээд өндөр үнэлгээг авсан гэдэг. Мөн тэд дараагийн жил нь буюу 2002 онд Steal This Album! нэртэй цомгийг худалдаанд гаргажээ. Энэ цомгоороо тэд nu-metal, alternative Metal дугаралтыг харуулж, өмнөх цомгуудаасаа арай өвөрмөц, онцлог болгож чаджээ. Ингээд хамтлаг 3 жил чимээгүй байсны эцэст 2005 онд Mezmerize, Hypnotize хэмээх 2 цомгоо гаргажээ. Mezmerize цомгийг 2005 оны 5 сарын 17 нд, Hypnotize цомгийг 2005 оны 11 сарын 22 нд тус тус худалдаанд гаргасан байна. Энэ цомгуудаасаа хойш System of a Down хамтлаг маань одоог хүртэл нам гүм байна. Магадгүй тэд шинэ уран бүтээлүүдээ удахгүй фенүүддээ хүргэхээр ажиллаж байж болох юм.